Ilinniartitsineq ilinniartitsinermilu atortussat akeqanngillat. Taakkununnga aningaasartuutit pisortaqarfimmik akilerneqartassapput.

Pikkorissaasut pikkorissartullu suliffeqareersut angalanerannut najungaqartinnerannullu aningaasartuutit pisortaqarfimmit akilerneqartassapput.

Pikkorissartunut suliffeqareersunut atuuttoq unaavoq, sulisitsisup pikkorissartussap nalinginnaasumik aningaasarsiai pikkorissarnerata nalaani akilertassammagit, taamaattorli utertitsissutigissallugit pikkorissarnermi ajunngitsorsiassat akigitinneqartut atuuttut      malillugit naligi.

Sulisitsisumut utertitsissutigineqarsinnaasut april 2007-mi akigitinneqartut malillugit kr. 3000,- upput sap.ak ataatsimut pikkorissartumut ataatsimut 18-leereersimasumut.

Isumaginninnermi ikiorsiissutinik pisartagallit pikkorissartitsinernut peqataanerannut atatillugu kommunenut utertitsissutingineqarneq ajorpoq.

Angallannikkut pissutsit tunngavigalugit pikkorissaanerit unnukkut sap. akunnersisaluunniit naanerini ingerlattariaqassappata, ilinniagaqanngitsut akunnermusiallit pillugit SIK-p isumaqatigiissutaa naapertorlugu pikkorissartumut sulinngiffeqaataanissaat sulisitsisut akisussaaffigissavai.