Kulturimik tunngavilimmik perorsaanermik workshop ulluni

Kulturimik tunngavilimmik perorsaanermik workshop ulluni 4. – 5. maj ingerlanneqarpoq Ilulissani Perorsaanermik Ilinniarfimmi. Ilinniarfimmi (PI/SPS) ilinniartut tamarmik kiisalu kommuneni perorsaanermik siunnersortit, KIIINimit Kunuunnguaq Fleischer aamma Inerisaavimmit Ivalu Adolfsen workshoppimi aallussilluarlutik suleqataapput.

Workshoppimi anguniagaapput piviusunik innersuussuteqarnissaq qanoq ililluni nunami tamarmi paaqqinnittarfinni kalaallit pingaartitaat aamma kalaallit kulturiat annerusumik inissaqartinneqassasut, aamma kommunet perorsaanermik siunnersortaasa, KIIINip, Inerisaaviup aamma PI/SPSip akornanni suleqatigiinnerup ineriartortinnissaa. Tassami tamaat isigalugu anguniagaavoq tamatuma tungaatigut allanngortoqarnissaa, soorlu “Peqqussut nr. 10-mi” allassimasoq – tassanimi pineqarpoq Meeqqerivitsialak. Meeqqerivitsialak, hawaiiimiut paaqqinnittarfiinit tangilerlugulu isumassarsianik pissarsisimasoq, ulluuneranimi  paaqqinnittarfinni angajoqqaat ulluinnarni ilaatinneqartorujussuupput.

Ilinniartut ataatsimoornerminni isumassarsiat pitsaasorpassuit pikialaartissimavaat – massa ilinniartitsisut, kommuneni perorsaanermik siunnersortit, KIIINimit Kunuunnguaq Fleischer aamma Inerisaavimmit Ivalu Adolfsen tamaat isigalugu sammivissat iliuusissallu sammigaat, suliat kalaallit pingaartitaannut kulturiannullu angusassanik toraagallit ingerlateqqinnissaat eqqarsaatigalugu.
 
Workshoppip isumassarsiat ineriartorteqqinneqarnissaat pillugu arsaq aqippaalusooq,   pissanganassaarlu takussallugu Kalaallit Nunaanni Meeqqerivitsialaap piviusunngortinneqarnera.

Kulturimik tunngavilimmik perorsaanermik workshop (PDF)

Program (PDF)