20 05 2012 Log ind
 
 Ilinniarfik pilluguTusagassiutinut nalunaarut   
Tusagassiutinut nalunaarut 3. august 2010 Minimer
 

Marlunngorneq 3. August 2010 Ilulissani PI/SPS’imi ammarneqassaaq Inunnik Isumaginninnermut Sammisumik Perorsaanermi Ilisimasaqarfik nutaaq
     
Ilisimasaqarfiup suliassai
Inunnik isumaginninnermut sammisumik perorsaanermi Ilisimasaqarfiup suliassaraa katersussallugit, pilersissallugit aamma siammartissallugit inunnik isumaginninnermut sammisumik perorsaanermi eqqarsaatersuutit aamma periaatsit, matuma ataani periaatsit inunnik isumaginninnermik aamma inunnik isumaginninnermut sammisumik perorsaanermi ajornartorsiutinik pinaveersaartitsisinnaasut aamma unammilligassat. Immikkut qitiutinneqassaaq suliat akimorlugit suleqatigiinnissaq aamma aaqqissuussamik sammisanullu attuumassutilimmik isiginninneq perorsaanermik suliaqarnermi pinaveersaartitsinermilu. Ilisimasaqarfiup suliaani suliamut attuumassutillit makkua erseqqissumik pingaartinneqassapput.

1.    Suliassaqarfiit meeqqanut inuusuttunullu tunngasut
2.    Innarluutillit aamma inuiaqatigiinni avinngarusimasutut inissisimasut
3.    Inunnik isumaginninnermut sammisumik perorsaanermik nalunaarsuineq aamma periaatsinik ineriartortitsineq

Ilisimasaqarfiup sanarfissavai ilisimasat aamma periaatsit pinaveersaartitsinermut aamma passussinermut tunngasut Kalaallit Nunaanni pissutsit tungaanniit isigalugu. Tamanna isumaqarpoq sammineqassasut inunnik isumaginnnermut sammisumik perorsaanermi ajornartorsiutitut inissisimasut suleriaatsini saqqumisut, tassa imaappoq Ilisimasaqarfiup suliaa tassaavoq ineriartortitsineq aamma misissueqqissaarneq perorsaanermi suleriaatsinik. Eqqarsaatersuutit perorsaanermut, tarnip pissusiinut aamma inooqatigiinnermut tunngasut namminneq anguniagaanngillat, kisianni pisariaqartinneqarput ajornartorsiutitut inissisimasut ataqatigiissuunerata paasisinnaaneranut misissoqqissaarnissaanullu kalaallini inuiaqatigiinni pisariaqartinneqartumik aaqqiissutaasinnaasut. Anguniagaq tassaanngilaq ilinniagassat aalajangersimasut atuagarsornertaanik aamma periaatsinik ilikkagaqarnissaq ilisimasalli sanarfinissaat perorsaanermi suleriaatsini sunniuteqartussat.

Ulloq 3. august nal. 13.00 pisortatigoortumik ammaasuussaaq rektor Nuka Kleemann.
 
 
Tusagassiutinut nalunaarut 2. marts 2010 Minimer
 

Kalaallit Nunaanni meeqqat inuusuttullu immikkut pisariaqartitsissut sullissisussaqalerput!

Marlunngorneq martsip ulluisa aappaani nalunaaqutaq 16.30 piorsarsimassutsikkut illorsuarmi Sermermiuni, Ilulissaniittumi, immikkoortuni sisamanik agguarsimasunik pikkorissaqataasimasut naggammeerlutik ilikkakkaminnik kikkunnut tamanut saqqummiussiniarput.

Saqqummiussineq isummernissamik tunuliaqutaasussaavoq.

Naalakkersuisut siulittaasuat Kuupik Kleist isummersoqatigiinnermi peqataaniarpoq. Kiisalu Naalakkersuisunut ilaasortaq Maliina Abelsen, IA, oqallittussani peqataasussaalluni.

Perorsaanermik Ilinniarfik ukiut kingulliit sisamat meeqqanik inuusuttunillu immikkut pisariaqartitsisunik sullissisunut ilisimasaminnik annertunerusumik piginnaanngorsaqqinnissaanut neqerooruteqartarsimavoq. Tamassumap kingunerisimavaa pikkorissartut 100 miss. pikkorissarsimalerlutik.

Taakku akornanni pikkorissaqataasimasut arfineq marluk ingerlaqqissimapput.

Ingerlaqqittut arfineq marluusut massakkut immikkoortunik sisamanik ingerlareerlutik, ilinniarnertik naggaserlugu martsip ulluisa aappaanni piorsarsimassutsikkut illorsuaanni Sermermiuni kikkunut tamanut suliaminnik saqqummiussiniarput.

Saqqummersitsinerup kingorna saqqummiunneqarsimasut oqallitsitsinermik aallaaviussapput.

Peqataasut – neriuutigineqarpoq inuit 100 miss. peqataasasut – eqimattanut assigiinngitsunut agguarneqassapput, taakkulu eqqartussallugu meeqqanut inuusuttunullu immikkut pisariaqartitsisunut sullisseriaaseq qanoq ilillugu ullumikkut ingerlanneqarsinnaanersoq, minnerunngitsumillu ersersinniarneqarpoq meeqqat inuusuttullu ullutsinni nunatsinni qanoq ittunik atugassaqartinneqarnersut.

Ilinniartitaaneq Perorsaanermik Ilinniarfimmi ingerlanneqarsimasoq VIAUC Pædagoguddannelsen Peter Sabroe suleqatigalugu ingerlanneqarpoq.

Paasiniaaffissaq: Nuka Kleemann, rektor Perorsaanermik Ilinniarfik
Oq.: 94 64 30
Angallattagaq: 55 64 64