Ulluinnarni isumaginninnermi ikiortitut ilinniartitaaneq taaneqartarpoq SHU.
Isumaginninnermi ikiortitut ilinniarnerup aaqqissugaanera uani aaneqarsinnaavoq (PDF 250 kb).
Ilinniarfiit
Kalaallit Nunaanni nunap immikkoortuini atuarfiit, (Ilulissat, Maniitsoq, Tasiilaq ilinniartunik August-mi tigusisartut kiisalu Nuuk aamma Qaqortoq Januar-mi ilinniartunik tigusisartut - Ilulissani Perorsaanermik Ilinniarfik brancheskoleuvoq)
Suliffigisassat
Isumaginninnermi ikiorti ilinniarnerminik naammassereeruni makkunani atorfinissinnaavoq:
• Ulluunerani paaqqinnittarfiit
• Ulloq unnuarlu paaqqinnittarfiit
• Innarluutilinnut sullissiviit
• Utoqqarnut tunngasut
• meeqqat atuarfianni 1. - 3. klasse
• pinerluuteqarsimasunut isumaginnittoqarfik
Isumaginninnermi ikiorti isumaginninnerup iluani tunngaviusumik suliassani, perorsaanermi sammisassaqartitsiniarlunilu suliassani suleqataasinnaanissaminut ilinniarsimasuuvoq. Sullissivinni atuisunut isumaginninnermi ikiorti suliassatigut inuttullu ikiuussinnaavoq. Isumaginninnermi ikiorti ilinniarnermit ilisimalikkamigut tunngavissaqarpoq perorsaanikkut suliassaviusunik suliassiissutigineqarsimasunik akisussaaffiginnissinnaanissaminut.
Piumasaqaatit
GGS malillugu ilinniartunngortussaq 10. klassemi soraarummeerluni misilitsissimassaaq kalaallisut minnerpaamik 4 aamma qallunaatut minnerpaamik 02 karaktereralugit.
Imaluunniit ilinniartunngortussaq sunngiffimmi atuartitsinermi kalaallisut qallunaatullu misilitsissimassaaq kalaallisut minnerpaamik 4 aamma qallunaatullu minnerpaamik 02 karaktereralugit.
Imaluunniit ilinniarnermi aallarnisaaneq alla akuerisaasoq, assersuutigalugu Piareersarfik ingerlassimassavaa naammaginartumik inernilimmik.
Qinnuteqartoq isumaginninnermi iluani misilittagaqareersimassasoq kissaatigineqarpoq.
Ilikkagaqarfissaqqissut / naleqartitat tunngavii
PI/SPS'ip naleqassutsimut tunngavii - kulturimik paasinninnermik, kikkut tamarmik oqartussaaqataanerannik aammattaaq inuit ataasiakkaat inuttut ilisimasassaatigullu ineriartortitaanissaannut inissaqartitsinissamik imaqartut - isumaginninnermi ikiortinngorniarluni ilinniarnermut tunngaviliisuussapput.
Isumaginninnermut ikiortip nammineerluni akisussaaffini oqartussaaffinilu ilisimaarissavai.
Taamaattumik ilinniarnerup sunniuteqaqataaffigissavai, isumaginninnermi ikiortip akisussaassuseqarluni ilisimasassatigullu ilisimaarinnilluni suliassaviusunik ineriartortitsiartuaalernissaa.
Aammattaaq isumaginninnermi ikiorti inunnut ataasiakkaanut tatiginninnermik takutitaqartassaaq, isumassuinermik takutitsisassalluni tunniussaqartassallunilu, kiisalu ajornartorsiutit anigorniarneqarnissaannut siunnerfeqartumik sulisassalluni.
Ilinniarnerup aaqqissuussaanera
Ilinniarneq ukiunik marlunnik sivisussuseqarpoq, taakkunani sap.ak. 49 atuagarsorneq aamma sap.ak. 47 isumaginninnerup iluani sungiusarluni sulineq.
Atuagarsorneq pisarpoq piffissani pingasuni imatut:
• atuagarsorneq 1 nunap immikkoortuani atuarfimmi
• atuagarsorneq 2 nunap immikkoortuani atuarfimmi
• atuagarsorneq 3 Ilulissani brancheskolemi
Sungiusarluni sulinermik ilinniarneq piffissanut marlunnut avitaavoq, sungiusarlunilu suliffimmi ataatsimi ingerlanneqartassaaq.
Ilinniaqqinnissamut periarfissat
Suliffeqarfiit ataasiakkaat - kommunemi aamma Namminersorlutik Oqartussani - pingaartikkiartuinnarpaat ilinniaqqinneq - tamakkunanngalu suliniuteqakkajuttuusarpoq PI/SPS.
Inunnik isumaginninnermi ikiortitut ilinniarsimasoq periafissaqarpoq ingerlaqqiffiusumik perorsaasutut aamma inunnik isumaginninnermi siunnersortitut ilinniaqqinnissaminut - takuuk nittartagaq www.pi.sps.gl Tassani aamma aaneqarsinnaavoq ilinniarnerup aaqqissugaanera.
Ilinniarnerup nalaani aningaasaqarneq
Ilinniarnerup nalaani ilinniarnersiuteqassaatit - aamma piffissani ilinniarnernut atatillugu sungiusarfissarni marlunni.
Naatsorsuutigissavat annikinnerusumik atuartitsinermi atortunut assigiinngitsunut aningasartuuteqarnissat ilinniarnerit tamaat - annerpaamik kr. 1.000,00
Ilinniarnerup aallartinnissaa
August 2009 Ilulissani aamma Maniitsumi aallartissapput tamarmik immikkut 20-nik ilinniartoqartussat.
Aamma Nuummi Qaqortumilu Januar 2010 atuaqatigiit marluk aallartissapput tamarmik 20-nik ilinniartoqartussat.
Sumi najugaqarneq aallaavigalugu tassunga qaninnermi nunap immikkoortuani atuarfimmi tiguneqassaatit.
Sumut inissivittoqarnissaa nunap immikkootuini atuarfiit aamma PI/SPS'ip aalajangertassavaat.
Paasissutissat amerlanerusut pineqarsinnaapput saaffiginnilluni uunga
Ugguuna aasinnaavat isumaginninnermi ikiortinngorniarnerup ilisaritinnera.
Perorsaanermik Ilinniarfik
Socialpædagogisk Seminarium
Box 519, 3952 Ilulissat
Tlf.: +299 94 64 30
Fax.: +299 94 44 75
E-mail