Kalaallit Nunaat perorsaasunik atorfissaqartitsivoq!
Inuiaat Kalaallit ingerlaavartumik allanngoriartorput inuiaat allat assigalugit.
Tamatuma nassataraa perorsaasut suliassaat unammiligassaallu pilersinneqartuarmata.
Qinnuteqarnissamut piffissaliussaq
Kissaatigigukku ilinniarnermut tiguneqarnissat taava illoqarferni Piareersarfiup qinnuteqaatit tigoreersimassavaa kingusinnerpaamik marts-ip aallaqqaataani.
Suliffigisassat
• Ulluunerani paaqqinnittarfiit
• Ulloq unnuarlu paaqqinnittarfiit
• Atualeqqaat
• Innarluutilinnik sullissiviit
• Utoqqarnik sullissiviit
• Pinerluuteqarsimasunik isumaginnittoqarfik
• Siunnersuinermik aamma pinaveersaartitsinermik suliaqarneq
Ilinniarnerup aaqqissuussaanera
Perorsaasunngorniarluni ilinniarneq sivisussuseqarpoq ukiut sisamaat avillugu – agguataarneqarluni semesterinut arfineq marlunnut ilinniarnerlu ingerlaqqiffiusumik ilinniarnertut isigineqarpoq.
Piffissat sullivimmi sungiusarfiit marluupput tamarmik sap. ak. 14, 18-nillu sivisussuseqartut.
Perorsaasutut ilinniarnermi sammisassat ingerlariaasianullu tunngasut Perorsaasutut ilinniarnerup aaqqissugaanerani takuneqarsinnaapput (PDF 590 kb)
Ilinniarniarluni tiguneqarnissamut piumasaqaatit
Ilinniagassamut tassunga isertoqarsinnaavoq
• GU-mut tassungaluunniit assingusumut angusisimagaanni
• Imaluunniit 20-nik ukioqalereersimagaanni atuagarsornikkut ilinniagassamut attuumassuteqartumik
ilinniarsimagaanni misilitsinnermilu angusisimagaanni
Ilinniarnerup aallartinnissaa
Ukiut tamaasa augustimi atuaqatigiit ataatsit 22-t miss. ilinniarlutik aallartittarput. Ilinniarnerup atuagarsornertaa taamaallaat Ilulissani pisinnaavoq.
Ilinnialertussanut tamanut
PI/SPS-mi Ilulissaniittumi ilinniartuuguit, illoqarfiup avataaniit aggerlutit inissiamik imaluunniit ineeqqamik pisatsersoreernikumik tunineqassaatit. Inissiat ineeqqallu nutaajupput pisatsersoreernikuullutillu. Tamannalu isumaqarpoq pigisat kisiisa nassarlugit maannarsinnaasutit. Kisiannili kissaatigigukku pisatat pigisat nassarusullugit akuersissutaavoq container-i 5,46m3 imaluunniit nassiussillutit annerpaamik 6 m3.
Nammineerlutit pisattat poortornissaat, poortuinermilu aningaasartuutit isumagissuat. Taamaattorli container-mik nassiussiniarlutit kissaateqaruit Perorsaanermik Ilinniarfimmut immersugassamik qinnuteqassaatit.
Ilaqutariiullusi aggissagussi inissiamik tunineqassaasi. Inissiat ininik marlunnik initaqarput. Inissiani ataatsimoorussanik errorsisarfeqarpoq errorsivilimmik
Kisimiillutit aggissaguit ineeqqamik tunineqassaatit. Tassanilu isersimaartarfimmi ataatsimoorussanik atortorissaaruteqarpoq errorsisarfeqarluni isaarissani tamani.
Ineeqqamut akiliisassaatit kr. 850,00 taavalu inissiamut kr. 1.700,00.
Aningaasanik nakkartitsilluni oqarasuaat ilinniarfimmi pigineqarpoq, ilinniartunik atorneqarsinnaasoq.
Allaffik naliginnaasumik ammasarpoq nal. 08.00 - 16.00, saaffigineqarsinnaasoq oqarasuaammut 94 64 30. Piffissamilu juli qaammat matoqqasinnaavoq imaluunniit ammasarnera annikinnerusinnaavoq.
Ilinniarfimmi faxi normoqarpoq 94 44 75.
Tiguneqarnissamut misilitsinneq Piareersarfimmi ingerlanneqartarpoq sap. ak. Imaluunniit sap. ak. 15.
Annertunerusumik paasisaqarusukkaanni
Akissutit amigaateqarsorigukkit PI/SPS’imut sianernissarnut imaluunniit mailernissarnut tikilluaqquneqarputit.
Perorsaanermik Ilinniarfik
Postboks 519
3952 Ilulissat
Tlf.: +299 94 64 30
Fax: +299 94 44 75
E-mail