Perorsaanermik Ilinniarfik Ilulissaniittumi ilinniakkat piffissani assigiinngiiaartuni ingerlanneqartarput, suliffimmi misiliinerit aammalu ilinniarfimmi ilinniartinneqarneq. Perorsaasutut ilinniarsimasut assigiinngitsorpassuarni suliffittaarsinnaasarput, meeqqerivinni, sunngiffinni ornittakkani, utoqqaat illuanni aammalu allat inunnik isumaginninnermillu qitiutitsisunik sullivinni.
 

PI/SPS-imi pisortat aggustusip ulluisa 17-anni 2010-mi ataatsimiinnerminni aaliangerput Inatsisartut inatsisaat malillugu meeqqanik pinerliisimannginnermut uppernarsaammik perorsaasunngorniarnut aamma ikiortinngornianut tamanut piniassallutik.